Wien

Text & Video: Wie woa weihnachten - Georg Danzer, 1976

Georg Danzers Weihnachtslied "Wie woa Weihnochten" stammt aus dem Jahr 1976. Es entspricht der Wiener Seele, ohne Kitsch und Zuckerwatte.


Wie Woa Weihnachten?

Oida Mau, du bist scho 100 Joah
dazöh ma, wie des woa
Weihnochtn.

I hob scho davon glesen,
sog, wie is des g´wesen,
wie woa Weihnochtn?

Oida Mau, und sog ma, wos is Schnee.
Is Schnee so koit wie Eis?
Und wirklich woah so weiss
So weiss wie deine Hoa
Sog ma, wie des woa,
wie woa Weihnochtn?

Pass auf Burli,
Weihnachten des woa
des schenste Fest im Joah.
Na und da Schnee, der foit vom Himmel,
so weiss ois wie ah Schimmel.
Ah Schimmel is a Pferd,
des Wurt host no ned ghert.
Najo, owa so woa Weihnochtn.

Oida Mau, erklea ma des genau
weil i ma des ned vuastöhn kau.
Wie woa Weihnochten?
Und, bitte, wos san Stern
de leichtn in da Fern?
Wie woa Weihnochtn?

Pass auf Burli,
i sich do no in meine Tram
do woa amoi a Christbam
mit Kerzn
und Friedn woa in olle Herzn.
Und daun woan do no tausend Lichta
und glückliche Gsichta.
De Oidn und de Jungan
ham olle gsungan.
Pass auf
"Stille Nacht, heilige Nacht ... "
Jawohl, des woa des Liad,
wos dazöhn wias Jesu Kind
geborn wiad.
Wos? Des kennst du olles ned?
Des is natürlich bled.
Owa so, so woa Weihnochtn.

Oida Mau, wos woa des fir a Zeit?
Wos is Glückseligkeit?
Wie woa Weihnochtn?
Und sog, wos is passiert,
doss nimma gfeiert wird
Weihnochtn?

Pass auf Burli,
do woa amoi a großa Kriag
Und daun is owegfoin de Bombn.
Und in de Katakombn
hams owe miassn de Leit
und do lebn wia no heit.
Und nix is mehr mitn Schnee
und mit der Glückseligkeit,
und mit de Zimtstern und
mit de Lichta,
mit de glücklichn Gsichta
und mit de .. mit de Schneeflockaln
und .. mit Weihnochtn.

Mein liaba Gott,
weil des is laung vorbei und tot.
Und mia weans nimmamea dalebn.
Owa wauns in a boa hundad Joah
den Deckl do obn wieda hebn,
daun wiads vielleicht
wieda Weihnochtn gebn.

Oida Mau, jetzt was i, wia des woa,
jetzt was i wia des woa.
Weihnochtn.
I woit, i hättat glebt,
vor üba hundat Joah
- zu Weihnochtn.

 

Zurück zu den Weihnachtsliedern

Index: Weihnachtslied Wia wor Weihnachten



=> Kommentare & Postings eintragen